Come on! 皮膚保養唔係單靠日日敷mask同擦cream咁簡單，有時仲要依靠大自然嘅神奇力量！

今日想同大家分享一個嚟自健康飲食圈入面嘅重要角色——「甜菜鹼」！
 

 

甜菜根（Beetroot）又名紅菜頭，日常生活中常見嘅營養食材，甜菜根富含維他命、礦物質、膳食纖維以及甜菜鹼（Betaine）。根據研究顯示，甜菜根嘅天然營養成分能夠促進血液循環，降低血壓，更可以幫助肝臟排毒，營養價值以及功能性真的不能夠小覷。所以，我哋不妨多啲考慮紅菜頭沙律、紅菜頭湯、紅菜頭果汁等等作為日常膳食。

咁「甜菜鹼」對我哋皮膚又有咩好處呢？

1. 超強保濕、鎖水

甜菜鹼屬於天然保濕因子，擁有超強嘅鎖水、吸水能力，令肌膚維持水潤飽滿嘅狀態！甜菜鹼能夠與水結合並形成皮膚表層嘅保護屏障，從而減少水分嘅流失，維持肌膚彈性，打造健康水嫩肌。

2. 高效⁠抗氧化

甜菜鹼係抗氧化嘅高手！其抗氧物質可以有效擊退自由基，減少自由基對身體細胞嘅損害，從而延緩人體老化，亦減少皮膚皺紋嘅衍生。抗氧化功能係令人保持年輕貌美嘅秘訣喔！

3. ⁠舒緩敏感肌

甜菜鹼具有舒緩嘅功效，更備有消炎、去紅腫嘅作用。其天然成份能夠強化皮膚保護層，透過加強皮膚保護屏障，抵抗外界嘅刺激物質，溫和地呵護敏感肌膚，從而減少敏感症狀。

4. ⁠抑制黑色素

女士們都怕黑色素嘅新增，除了防曬要做足之外，可以考慮蘊含甜菜鹼嘅保養品。甜菜鹼能夠阻截黑色素嘅形成，減低黑色素細胞活性，從而做到美白、提亮膚色嘅效果。

甜菜鹼係一種天然、安全又溫和嘅保濕成分，唔單止有效提升皮膚水潤度，仲有助於強化皮膚屏障。護膚、保養係日復日嘅習慣，大家切記要選擇含有天然成份嘅護膚品，避免過量化學物質為皮膚帶嚟負擔。

從今天起好好善待自己嘅肌膚，盡量選擇天然成分保養，讓皮膚健康美麗，由內而外散發自然光彩啦！